IN COVER

06 juin 2011

مرحبا بيكم في بلاد الكورة

بالله لكريم يكوّروا بينا كيما يحبوّا و يشتهاوا هاذوما جيوب الردّ و إلّا فلول النظام السابق و إلاّ إش سمّاهم ربّي.. إلحاسيلو من فايسبوك للتويتر و هوما يخرجوا في إشاعات و يفتّنوا في هام قالوا الزين باش يتكلّم على العربّية.. لا لا .. على الجزيرة.. في هاو قال خاطي خوكم غلطوني !! و الجموع تپرتاجي و تريتويتي بالمشطة.. سيّب عليكم من المتلوّي!! صار شلقتوا بيهم إنتم جماعة التجمّع شعلوها!؟ هيا إسّاعة تفرجوا في برنامج يثقفكم على الحياة العاطفيّة و الحميميّة متاع زعبع!! تي يعيّط الّليلى يا لِلاّ و يشريلها ياغورت مستورد و قديد لبريمة!! سيّب عليكم!! قلوّا مجلس تأسيسي توّا وقتو لكلام الفارغ؟ 
هياّ يا شعب الكورة ربحتوا التشاد بحارة نضيفة و بنيّتكم ربحت رولان ڨاروس وإنتم ما شاء الله ما زلتو مستحفضين على إبداعكم في المجال التنبيري ... إمّاله فاش تستناوا؟ هياّ عملتوا ثورة و توّا يزيّ ما تدخلوش لبلاد في حيط هذا من إختصاصنا أحنا.. إنتم أرڨصوا و غنّوا!! مهرجانات الصيف على الأبواب و نرجعوا للأمن و الأمان و بلد الفرح الدائم

Aucun commentaire:

Enregistrer un commentaire