H.H Sheikha Sameh's Diary- مذَكّرات سُموّ الشيخَة سَمَاحْ : août 2011

30 août 2011

عيد الثورة

بعد 14 جانفي، صار لكلّ عيد طعمًا غريبا.. تمتلكني رغبة في البكاء.. رغم أنّ للعيد فرحتان هذه السنة، فرحة بالعيد و فرحة برحيل بن علي

و لكن عندما أتذكّر من ذهبوا ضحيّة الظلم و القهر و من ذهبوا لنبقى تخنقني العبرات و تذهب فرحة العيد..

ألن أفرح أبدا من هنا فصاعداً؟؟ هل سأضلّ هكذا أنتحب كلّ يوم عيد؟

كلاّ، لن أبكي إلى الأبد لو تحقّق ما كان يحلم به هؤلاء الذين إختفوا عن أنظار ذويهم .. لن أبكي لو أقتُصّ من قاتليهم و من يقف وراءهم ... لن أبكي لو جفّت دموع أمّهاتهم و شفي غليلهم..

و إن لم أبكي بعدَ ذلك فلا يعني أنني سأنساهم ...

رحم الله الشهداء و أحسن مثواهم و أسكننا و إيّاهم فسيح جنانه..

اللهم فكّ أسر من لا زال بعيدا عن أهله ... مضلوما قابعا في غيابات السجون .. سمير الفرياني و غيره ممن طال أسرهم دون محاكمة عادلة

آمين

19 août 2011

ما زالوا شهرين على الإنتخابات و مازلنا في هاك السردوك إنريشوا... إعتصامات مشروعة و غير مشروعة.. مطالب و مظاهرات .. و البوليس كان مظاهرة سلميّة تطالب بتصحيح المسار و المحاسبة يشد يدڨدڨها و يفلّقها و من بعد يَطلعلنا الناطق الرسمي بحكاية حولة.. و كان إعتصام متاع هوكش البوليس المسكين لا حول له و لا قوّة و يستنجد بالجيش.. هوكا ديما راس الهم دادا عيشا.

و الوزير السبسي ما نراوه كان كي فمّا لولة خاصة كيف كالأغلبيّة الماسطة يبداو يميلوا للقوى الثورية و ينقصوا من "وووووه باش إدخلوا لبلاد في حيط" هوكا سيدي الوزير يطلّ علينا و و يطمئلنا قلوبنا بكلمتين.. و مدّ ردّ يا حمد.. نرجعوا لنفس المعبوكة تقول واحد يتعامل مع ولده عمره 4 سنين ماكس

لكن المرة هذه شخصيا كنت نستانا في تحوير وزاري أو تسريع في الإجراءات...شنوة سيدة العڨربي تهرب قال شنوة تعطيل و تراكم القضايا؟؟ توّا يعقل هذا يا سيدي الوزير؟؟ راهو البلاد هززها الواد و تقول العام "بحيث".. و ربّما؟؟؟

باهي الحكومة هذه مؤقتة و متفاهمين ماشية على روحها في هاك الأيامات متاع 23أكتوبر المجيد إي و لكن هل اليوم المشهود كيفاش نوصلولوا أحنا سلامات في الضروف الحاليّة.. يا رسول الله واحد ماينجمش يعبّر على مقصودو؟ تي كيفاش خرج بن علي موش بالمظاهرات و عرفنا وقتها إلي 99% يحبوه يمشي و قالولو "ديڨاج"؟

أنا لا نحب نقول أنا ضدّ و لا مع الحكومة.. هي حكومة مؤقتة و متطوّعة باش توصلنا لبرّ الأمان و هي تغلط و تصيب .. و لكن نحب نذكرها و نذكركم إلي المدة الإنتقالية ما تقلش أهمية على المدة إلي باش يقعدها المجلس التأسيسي .. لذا نحب نذكر الحكومة إلي الكلنا عندنا الحق في تقييمها و نقدها و توجيه أصابع الإتهام لها إذا لزم خاطر الشعب هذا بالباهي و بالخايب اللي فيه واعي و أثبت ذلك فلذا خليولوا المجال يعبر و يزيوا من القمع راكم ما عندكم وين توصلوا .. الخوف راهو مشا مالشيرة الأخرى!!