ليوم ذكرى أحداث 3جانفي أو ما يعرف بثورة الخبز..أحداث أليمة ماتوا فيها عباد و تختزل في كونها ثورة خبز، جوع، و جياع...و هي إنتفاضة مثقفين، طلبة و نقابيين ضد حاكم غاشم و نظام محلي فاسد و نظام عالمي مهيمن..ثورة شعب يمصوا في دمو من داخل و مالبرا.. إملائات صندوق النقد الدولي و ما تابع..
غلاو في الخبز و قتها و خرجت لعباد باش تقول يزينا فدينا..قتلوهم ..عشرات ماتو وقتها بالرصاص..طلبة في مقتبل العمر ..كرتوش يخيط في شوارع العاصمة و حظر التجوال و البلاد واقفة ...
و يخرج الزعيم ويقول ما فيباليش، قالولي الخبز ملوح في الزبلة..يعني النسخة الأصلية متاع فيلم "غلطوني" و "أنا موش شمس باش نزرق عالبلاد الكل"..و يعمل هكا و يرجعنا "وين كنا قبل الزيادات" ..و يخرجوا العباد في الشارع فرحانين يعيطوا "يحيا بورقيبة" ويعفسوا على دم الشهداء..ويعفسوا على دم الشهداء..ويعفسوا على دم الشهداء..إنتهى
إلى اللقاء على أمل اللقاء بكم في تدوينة جديدة العام الجاي و إلا الي بعدو
crédit photo
Aucun commentaire:
Enregistrer un commentaire